الميك معاك.............؟

السلام عليكم ورحمة الله وبركاته انا كدا خلصت المايك وياريت يارب يا لؤي تمسكو انت خلاص انت قلت بعدي يلا دورك الميك معاك.............؟ - صفحة 2 23jp5

اوكى بس امسك الميك اخر واحد علشان افتكر ايام زمان كدا يا عاصفة ههههههههههههههههههه

خلينى اختر مصطفى MR JUBA على الميك

ههههههههههههههههه ماشي ااما نشوف اخرتها ابو لؤي يلا يا مصطفى MR JUBA مستنينك اخي

انا قبل لؤى على طول
وانا برشح نور
خليك معايا يا لؤى
وى معلش يعنى
الى عامل الموضوع
يبقا الاخير
اوك

ههههههههههههههههههههه

لالالالالالالالالالا

المفروض أول واحد صاحب الموضوع

أنا برشح مصطفى وبعدين لؤى لكن أنا خلاص أعدت عليه قبل كدا

تحيااااااااااااتى

لالالالالالالالالالالالالالالالالالالا
انا بتكلم فى الاخر اوك
خلص الكلام

انتو فين انا رشحت نور يا جماعا

وانا رشحت جوبا ياجماعه

هههههههههههههههههههههههههههههههههه
احنا هنفضل كده على طول ولا ايه
طب خلاص

انا هرشح
همس اليل الحزين

لا ياريت حد غير حسين دلوقت .
انا برشح نور لحد ما همس الليل الحزين يرجع على الاقل ........

ولا ايه رايكم ؟؟؟؟
خلص بقا يا نور زي محطتيني تحت الامر الواقع بكرسي الاعتراف لازم
انتي اللي تمسكي المايك ههههههههه كلنا بنستنى ...........

ربينا يرجع حسين بى السلامه
يلا يا نور انا برشحك

بيب بيب نور بيب بيب نور

يلا يانور

يلا نور نورينا بلمايك واحكيلنا ما يجول بخاطرك وكلنا اذان صاغيه ولا تحرمينا من جمال قلمك وروحك الطاهره يلا قولي بسم الله الرحمان الرحيم

أأأأأأأأأأأأأأأأأأأأأأأأأأأأأأأأوك

بسم الله الرحمن الرحيم

مش عارفة ابدأ بإيه مبحبش اتكلم عن نفسي كتير بس هحاول علي قد مقدر
أنا
انا واعوذ بالله من كلمه انا
نور 22 سنه خريجه تجاره جيت على الدنيا يوم جمعه
فى اليوم دا كان عندنا فى البيت عزومه وكانت ماما وستو بيجهزوا
الاكل وبعدين ماما تعبت وأنا جيت ونسو الاكل على النار
وطبعا باظ وكله فدايا وأكيد البيت كله فرحان
وطبعا كان فى قله بسيطه من العائله القرايب
وكدا بيقولوا لبابا انتا زعلان علشان بنت
قالهم لاء كل بنت بتيجى برزقها انا عايش برزق البنات مش برزق الولاد
وبابا بيحبنا جدا ان كان ولاد ولا بنات كلنا واحد
والحمد لله بيعامل البنات احسن من الولاد واللى كانوا بيقولوا لبابا كدا
دى الوقتى بيقولوا يا ريتكوا كونتوا بنات شوفوا البنات عملين ازاى .
أنا الحمد لله اخواتى كلهم متزوجين ولاد وبنات لسه اختى الصغيره بس
وعندنا ولاد اخواتى ماشاء الله عن قريب هيكملوا فريق كوره والاحتياطى كمان
ههههههههههههههههههههه

وأنا صغيره كنت هاديه جدا ومكنتش بطلع برا البيت غير فى الاعياد فقط ستو كانت عيشه معانا
فى البيت أم بابا وكانت مبتخلنيش أطلع برا كانت بتخاف عليا اوى وبابا كان يقولها سبيها تلعب
وكدا تقوله لاء ياترا ليه أروح أعمل شاى وارجع اكملكم

منتظرينك يا نور

ايوه يا نور يلا اتفضلي

الله يانور ايه الجمال ده يا نور

جميل اوى

ميرسى ياشباب على المرور

استنوووووووووني هروح أرد على التليفون وشوية وارجعلكم تاني اياكم تتحركوا من هنا انا هقفل الباب من برة واخد المفتاح

نور يا جماعا راحت لى فاصل
وهترررررررررررررررررررررجع
مره تانيه
هههههههههههه
وى قبل ما انسى
انا طلعت على المفتاح

شو نور كل هادا عم تحكي تليفون حيخلص الرصيد بعدين موضوع حلو خالص يلا كملي نور

أوك ياجوبا شكللك سرقت المفتاح

سورى ياجماعه على التأخير

والله ياعاصفه وفضلت اتكلم لغاية الساعه 3 بليل

رجعتلكم تانى والله أنا حاسه انى فى امتحان تشربوا شاى الاول لاء أحسن برده
هههههههههههههههه
ميغلاش عليكم طبعا شاى وعشا كمان

نرجع نكمل اقولكم انا بائه بيقولوا وأنا صغيره كنت شكل الاجانب
هههههههههههههههههههههههههههه
هههههههههههههههههه
هههههههه
أخاف عليه لتتخطف يقولها احنا فين تقوله لاء أنا خيفه عليها
ودا طبعا كان سبب سؤ تفاهم بين ماما وستو علشان ماما بتقولها سبيها
تروح مع اخوتها الحضانه وطبعا لاء تقولها هتخيبيها ستو كانت طبعا بتحبنى جدا
وأنا كمان وكانت بتذاكر لاخواتى وبتكتب ليهم الواجب كمان ههههههههههههههههههه
وكانت عندها ثقافه عاليه جدا وكان مثقفه جدا يعنى انا واخواتى أخدنا منها حب القرأة الان كانت كل يوم باب يجيب
ليهاالجرائد والمجلات تقرئها واحنا كنا صغيرين تقعد جمبها نقولها دى ايه كانت تقعد تقولنا
وتفهمنا وأنا واخواتى الوقتى كلنا ادمان قرأه بذات الجرائد والمجلات
وفضلت عيشا معنا فتره طويله وتوفيت وأنا فى الابتدائى يعنى من حوالى 14 سنه
كلنا كنا زعلنين عليها جدا لان دى كانت أمنا الثانيه
وماما كانت بتبكى عليها اكتر من أولادها البنات وكانت بتحبها
جدا ومكنتش بتزعلها حتى وهيا بتموت كانت بتدعلنا وماما اكتر كمان
وبابا وماما ربنا يخليهم بيحبونا جدا وعيزين يشوفنا ف أحسن صوره
وبجد مش مخلينا محتاجين حاجه هما صحيح بيكونوا صعبين بس
كل لما الواحد بيكبر بيقول الحمد لله اللى هما كانوا كدا
وأنا صغيره كنت طول عمرى هاديه جدا وصحيح مكنتش بخرج بس
بلعب مع اخواتى والجيران عندنا فى البيت وكنت أنا الصغيره لفتره وبعدين جت أختى
وهيا دى الوقتى أخر العنقود
وكانت أختى اكبر منى أنا وهيا اصحاب جدا من وأحنا صغيرين كنا بنروح المدرسه
وبنلعب مع بعض على طول عكس الاخوات ممكن بيغيروا من بعض
لكن انا بجد بحس اننا واحد لما انا اعوز حاجه هيا بتعملها على الطول
او انا لغايه دى الوقتى
وطبعا احسن فتره هيا فتره الابتدائى والتجاره كان ليا اصحاب كتير طلبه او مدرسين
والحمد لله لسه على صله للوقتى كان ليا اصحاب من البلد ومن خارج البلد
وفى متزوجين وخارج البلاد بس بيكلمونى وعلى صله كويسه الحمد لله
انا عارفه انى طولت عليكم

ههههههههههههههههههه
جميل جميل
كميلى
وانا طلعت على المفتاح بس

بجد كلامك حلو خالص حلوين الاخوات مع بعض يارب يخليكم لبعض ومش يحرم الاخوات من بعض

جميل يا نور منتظرينك تكملي كلامك حلو تصدقي بيحسس اللي يسمعك كانو يعرفك من زمان

يلا بقا كملي ومتتعبيناش ههههههههههه .......

ربنا يوفقك ياقمر.

أوك ياجوبا

ميرسى يادموع القمر

تسلمى ياعاصفه والله ان من غير اخواتى بكون وحيده جدا وبستنا الاجازه بفارغ الصبروما بصدق يتكلموا هما وأولدهم
وبكون عمله فرح اليوم الى يحجزوا فيه
علشان ينزلوا مصر بجد بتكون أحلى أيام السنه عندى شهرين الاجازه صحيح الواحد ساعات بيتنرفز من الولاد بس بيملوا علينا البيت وطول النهار لعب وخناق مع بعض ويجوا ينادوا عليا ياخلته أو ياعمته دا يضربني ودا أخد منى الكوره حسه وأنا بكتب المواقف بتاعتهم ادامى

يلا المفروض أنا خلصت المايك امبارح يلا الميك ليكم

والله كل كلامك جميل يا نور الله يعطيكي العافية يا قمر

وياريت نسمع كلام الاخMRTIGO واكيد هيكون جميل ........

بما ان الاخ حسين لسه لنص الشهر على ما يرجع بالسلامة .......

مش عارفة انا رشحتو للمايك وعايزة الكل يرشحوه معايا .........

وأنا كمان معاكى يادموع القمر

يلا ياكريم

كويس ادي صوتين مشكورة يا نور يا عسل

كمان صوت واحد حضرتك تتفضل عالمايك من غير اي اعتراض ههههههه

وانا معاكم يا جماعه
يلا يا كيمو
اوMR TIGO

يلا يا كريم

وانا معاكم يلا يا اخ كريم اتفضل مفيش مفر من المايك وانا معاكي دموع عوزين حسين هوا بيجي ب13 الشهر وقبل ما يسافر لازم تظبطو للمايك

طيب بما ان الكل عاوز يسمعنى اوووووووووكى

انا جاى اهوا

بصوا احنا هنلعب على 3 محاور رئيسية واللى مش فاضى يطلع على الدائرى ماشى

اول محور :- هى البطاقة :-

الاسم :- كريم سامى

العنوان :- القاهرة (( السيدة عائشة )) واحيانا بيكون فى (( الهرم )) يعنى متنقل

المهنة :- طالب وبلا فخر فى اكاديمية المدينة قسم كمبيوتر الفرقة ال 3

تاريخ الميلاد :- 28 \ 8 \ 1988

كدا احنا خلاصنا المحور الاول

نيجى بقى للمحور التانى

العائلة :-

الحمد لله من صغرى وانا مدلع اووى مش اكمنى يعنى انا الوحيد لالالالالا

علشان انا اخر العتقود زى ما بيقولوا

احنا 3 اخوات

عندى اخ واخت اكبر منى

اه اقبل ما انسى ان اخويا الكبير هو (( لؤى احمد ))

او بمعنى احر الاسم الحقيقى لية (( احمد سامى ))

المهم انا بحب اوى ولدى و ولدتى اى نعم احنا كتير اووى بنختلف فى الراى بس اهوا مهما يعملوا احنا برضة بنحبهم اووى

انا بحب اووى برضة خالة ليا طيبة جدا وحنينة اووى وكمان بتحبنى اووى اووى اووى

احنا بظبط فى العائلة 3 شباب والباقى كله بنات

اخلى حاجة بحبها اووى فينا احنا الثلاثة اننا بنحب حاجة واحده الا وهى (( النادى الاهلى ))

اية رايكم

طبعا مافى عائلة خالية من المشاكل ووجع القلب

المهم

انا الحمد لله وبلا فخر عم وخال معا و للاول مرة فى التاريخ المعاصر

يعنى انا خال ل 5 اولاد وعم ل ولد واحد

يعنى نص دستة

لسة فاضل 6 كمان وهنافس العمة نور

كل ولد اخواتى حبيبى وبحبهم اووى علشان انا بحب الالعب معاهم وكمان اهزر معاهم ويا سلام عليا لما تشوفهم بيعملوا فيا اية

يلا اسيبكم بقى دلوقتى علشان هقوم اعمل واحد شاى العروسة وصلحة ليا

واجيلكم تااااااااااااااااااااااااااااانى

سلام موقت

ماشى يا غالى منتظرينك

انا فى انتظارك
مليت
ههههههههههههههه
قصه جميل
وى حلوه

ونرجع ليكم مرررررررررررة تانية ونقول

سلام عليكم

ها متهيقالى كدا ان خلاص خلصنا المحور التانى

ندخل بقى على المحور الثالث والاخير علشان اطير انا

المحور الثالث هما اصحابى

طبعا مافيش انسان فى الدنيا كلها يقدر انه يستغنى عن اصحابه علشان هما بيكون اكتر ناس فاهمينك وكمان كل البلاوى اللى فى الدنيا بتعملها معاهم

احنا الشلة بتاعتنا وبلا فخر بضم حوالى 39 مواطن كل واحد فيهم ليه حكاية مختلفه وكمان عقل مختلف تماما بس اهم حاجة فينا اننا مش بنسيب بعض لا فرح ولا فى حزن

طبعا الشله دى فى المنطقة اللى انا بعيش فيها

وفى حوالى 10 اصدقاء اعرفهم فى المعهد بس بصراحة مافيش فيهم غير اتنين او تلاتة بس هما اللى يتصاحبوا

الاصدقاء المفضلين عندى طبعا مستر جويا وواحد صاحبى برضة بس فى الجيش وربنا يفك اسره ويرجع لينا بسلامة محمد سمير

يعنى كل الحوارات اللى ممكن تتخيلوها او ما تتخيلوها احنا عملنها

ادينا كدا خلاصنا المحور الثالث

واقدر اقولكم كدا انا خلاصت والمايك معاكم علشان مافيش حاجة تانية تتقال

واللى عاوز يعرف حاجة تانية يبقى يقول

معلش القصة صغيرة

بس بجد مش لاقى كلام تانى اقوله غير كدا

يلا سلانكتية يا برعى

وعاوز نص جنية حق استغلالى

وكمان قبل ما امشى واسيبكم عاوز ارشح بقى على كرسى الاعتراف دا

عم مصطفى اى مستر جوبا

علشان هو الوحيد اللى هيقدر يكمل المسيرة

وخدلى بالك انت يا برعى

يلا سلام

هههههههههههههههههههههههههههههههههههههههه
والله جميل اوى قصه جميله
اهم حاجه
ت و ت م
اخبارو ايه
ههههههههههههههههههههههههه
وانا والله اوعدكم انى هكون معاكم على الميك
بعد ما اخلص الامتحانات والله
يعنى
انتظرونى يوم 3/6/2009

ان عشنا وكان لينا عمر
بجد
وى متقلقش يا كيمو
انا هكمل
المحور الرابع وى الخامس وى السادس

اوكى يا مصطفى وشكرا ليك يا كريم

جميل يا اخ كريم بجد قصة سريعة وجميلة ربنا يخليلك اهلك وصحابك يارب

موفق اخي في الله .

طيب الاخ مصطفى هيكون عالمايك يوم 3/6/2009

والاخ حسين هيرجع في يوم

13 _5 _2009

فياريت الاخ لؤي احمد يكون عالمايك

انا برشح الاخ لؤي عايزاكم كمان ترشحوه معايا ..........

بانتظاركم ........

ههههههههههههههههههههههههه

جميل أوى ياكريم بس انت نسيت نقطه مهمه جداااااااااا

يعنى 22 سنه ومفيش بنوته جت فى السكه

شو فينك يا همس الليل المايك منتظرك يلا قبل الثلاثاء عشان مش تهرب انا مستنياك تكتب

ههههههههههههههههههههههههههههههههههه
لا طبعا انا موش همسك المايك ال جميع الاعضاء يرشحووووووووووونى
والف شكر لكى ياحبيبتى

طيب انا برشحك كمان اتكلم بقا متدلعش علينا ههههههههههه

والاخ لؤي اتهرب من المايك بس مش هنعديها اتكلم يا اخ حسين منتظرينك كلنا .......

السلام عليكم ورحمته الله وبركاته
طبعا انا مكنتش عايز امسك المايك بس اعمل ايه بقى

والله عشان خاطر عاصفه لزم امسكو اعملها ايه عماله تزن زى الزنان
هههههههههههههههههههههههههه
وانا والله موش عارف اقول ايه
بس انا هحاول واعمل زى اخى وخلاص

أولا
الاسم /حسين محمد عوض الدسوقى
المواليد/1/8/1987
البلد /مركز منيه النصر دقهليه
العمل بالقريه سياحيه بالغردقه
اقول ايه تانى ياربى موش عارف
ثانيا انا شاب عادى
مرطبط بأنسانه مجناناى بس بجد طيبه
عندى 3 اخوات بنات
الكبيره متجوزه وربنا رزقها بثلاث اولاد
شروق وندى وابراهيم
والثانيه متجوزه من 9شهور مقيمه بالسعوديه
ولدى ولدتى ربنا يخليهم يارب ولدى مقيم بسعوديه طبعا هو موجود بلمنصوره الان
وبيسافر بعد 60 يوم
انا طبعا كنت فى معهد تعاون زراعى بشبرا الخيمه 4 سنوات بس الحمدلله مكملتوش ليه محدش يسالنى اوكـــ
فضلت فيه 7 شهور فقط لا غير وحصل ظروف مفيش 5 دقائق كنت سايب هل المعهد اللعين ههههههههههه
والحمدلله
طبعا عملت فى الطباعه والنشر وحبيت الطباعه اوى فضل فى هل المطبعه سنه و6 شهور وبعد كده سبتها ليه كان فى طبعا موضوع كبير ويطيل شرحو بس انا اسف طبعا ده أحب انى احتفظ بيه لنفسى
ويريت ياعصفه موش تسالينى عليه أوكــ انا بقولك اهو
هههههههههههههههههه
المهم
فضلت بعدها كاره الدنيا بجد كرهتها كرهتها
والحمدلله رب العالمين ربنا اعنى ونسانى هل الموضوع
طبعا انا ولدى زعل عشان مكملتش درستى بس أه نصيب الله اعلم بجاى
فمرت الايام والشهور وانا جالس بكتب وبتكلم من قلبي واعماقى عن فلسطين الحبيبه فى احدى المنتديات وعن السياسه طبعا معلومه انا لعيوز بالله من كلمه انا انا من صغرى بحب السياسه وبجد بعشقها وموش عارف دى مشكله ولا موش مشكله المهم
فجاتنا اتعرفت على احدى ملائكه النت
سبحان الله وكنت اول مره بعرف انسانه فى غايت الاحترام والادب ماشاء الله على رقتها وبجد بحمد الله عزوجل انى عرفتها طبعا لان بجد أنسانه جميله ورقيقه كتيرطبعا انا كان نفسى اعرف من وين عرفتنى واكيد عرفت
وكان من عند الله عزوجل كنت مشترك فى احدى المنتديات وطبعا كانت بستمرار تقرأ وتتابع مواضيعى طبعا كمان من احلى واطعم ما فيها انها انسانه سياسيه رقيقه
ودمها دم فلسطينى
وسبحان الله جرت وذهبت الايام ومر الشهور وفجاه حصل ال حصل وموش مهم بقى اقول ايه ال حصل واتجننت وحبتهااااااااااااااا
وهى طبعا بس موش اتجننت بقى لا انا ال اتجننت انى حبيبت انسانه مجنونه اساسا
وطبعا موش عارف بجد كفايه بقى كده عشااااااااااااااااان ملبخش فى الكلاممممممممممممممم
هههههههههههههههههههههه
بس بجد موش مجنون انا ولا حاجه عشان حبتها ولا طبعا هى مجنونه
لان بجد هى انسانه فى غايت الاحترام والحنان والطيبه
وطبعا فى بعض من الاخوه يقولون ان حب النت ده موش حب
لا طبعا ده كان من عند الله ان ربنا يجمعنا سوى انا طبعا علمتها على المنتديات حتى اسمها المستعارمنى انا
للانها مكنتش بتعرف على النت من الاصل ال ايميل الخاص بها عشان المحضرات فقط لا غير
وانا ال اقترحت عليها بأنها اشاركنى فى احدى المنتديات
وفعلا الحمدلله وبجد بقت احلى منى وبتكتب مواضيع فى غايت الجمااااااااااااااال
وبدعو من الله عزوجل بأن يجمعنا على خير اللهم مأمين
ونلتقى بعد الفاصل
أهىء أهىء أهىء اهىء أهىء
كان معكم فى احدى المنتديات
همس الليل الحزين

تسلم يا روحي بجد بيجنن كلامك وربنا مش يحرمني منك ولا من رئتك وبجد انت اهلي كلهم وانت اجمل شي بحياتي بس مين الي جنن التاني هاه ماشي

طبعا الانسانه ال انا حكيت عنها عملت فيها عبيطه

هههههههههههههههههه

وبتسالنى مين هى الانسانه دى طبعا انا هقول هى مين عشان تعرف بقى اول حرف من أسمها عاصفه الاحزان

ال ربنا يخليها ويعنها بدراستها ويصبر قلبهااااااااااا يارب

همس الليل الحزين ئيه هوا الفاصل لسه كتير عليه يلا بلاش كسل واحكي كل شي ها مش تخبي عشان انا ليه جوسيس بيعرفو كل شي والي خبيتو عرفتو خلاص هههههههههههههههههههههههههههه

عدنااااااااااااااااااااااااااااااا
نكمل ونقول ايه يارب موش عارف
المهم وطبعا الجو بلغردقه جميل كتير ويسلام بقى البحر الاحمر ممتاز جداااااااااااااا
بس بصراحه انا موش حابب الغردقه صدقونى السياحه كلها وحشه
بس شغلى بلغردقه عشان شىء بدماغى وان شاء الله بحققه
طبعا حببتى هتموت وتعرف ايه الشىء ده وانا طبعا موش هقلها عليه
طبا شوشو بيلعب بدمغهاوبيقلها انى هتجوز بوحده من الاجانب اه طبعا هتجوز وحده ألمانيه وهسافر معاها
ههههههههههههههههههههههههههه
لا طبعا يصاصا
تعرفو احبابى انا
ولعيوز بالله من كلمه انا بحب الهدوء اوى بس مشكلتى انى عصبى أوى ومشكله حبيبت قلبي بقى ان موش بتحب حد يتعصب عليهاااااااااا
شوفو بقى ازاى
وطبعا انا موش بستريح ال لما اتعصب على حياتى انا
طبعا باذن واحد أحد حبيبت قلبي بتنزل فى شهر 6 القاهره بس يوم أيه بتحديد لسه ما بعرف وده بجد بيكون اليوم الوحيد ان القاهره فيه بتنووووووووووووووووووووووووووووور
وان شاء الله كلها شهرين بكتير وانا بكون بالمملكه العربيه السعوديه
وربنا يسهل بقى بلهيحصل هنااااااااااااااااك

هههههههههههههههههههههههههه قديمه يا سيحس عرفه الي بد ماغك اكيد وعرفه انك بتعمل المستحيل عشان اغير بس نؤنؤنؤمش انا الي بغير خالص وبعدين هوا انت بتنئطنا الكلام بلقطاره اتكلم كتير هوا دا كل حياتك بس انا عوزا قبل كدا بكتير عارف يعني ئيه بكتير